نفس المكان
اللي جمعنا من عمر
نفس الحزن..نفس الشجن
وأنا
وشباك انكسر
بعدك
مثل قلبي
وريحة حنان بكل مكان
في بيتك المهجور..
من كل شي
إلا وفاي وشوقي وحبي
--
من حولي الدنيا...تدور
وصورك وذكراك
خذوني للاوعي من عالم الإدراك
أبسألك
ويني أنا؟
أحسك بجنبي ..هنا
أدور..وأدوِّر عليك
واحس يدي في يديك
ومدري أدور من "الوله"؟
أو
أرضي من تحتي
تدور؟
ــــــــــــــــــــــــــــــــــــــــــــــــ
No comments:
Post a Comment